«Дзе тэхніка?»: жыхарка Магілёва паказала, як выглядае горад пад снежнымі заваламі

Беларуска Валерыя апублікавала відэа ў сваім TikTok акаўнце. У ім яна паказала, як выглядае Магілёў падчас цыклону «Улі».

Чытайце таксама: «Дзе лепш за ўсіх прыбралі снег?»: Галасаванне ЖКГ Міншчыны ў Telegram выклікала абурэнне беларусаў

На відэа відаць вялікія снежныя завалы, праз якія цяжка прайсці наўпрост. Калі транспартная дарога яшчэ выглядае больш ды менш ачышчанай ад снегу, ходнікі цалкам засыпала сумётамі.

«Дзе тэхніка? Магілёўскія блогеры, якія робяць паказуху, — ганьба!», — каментуе сітуацыю аўтарка роліка.

@valera17022002 #могилев ♬ Originalton — ⭒♫⭒Sυηѕнιηє⭒♫⭒

У сваім каментары дзяўчына спасылаецца на розных праўладных блогераў, якія нахвальваюць працу камунальных службаў. Нагадаем, што крычаўскія раённыя медыя назвалі скаргі на снежныя завалы «хайпам».

У каментарах Валерыя ўдакладніла, што амаль увесь дзень тэхнікі ў горадзе не было: яны прыехалі ў горад бліжэй да 5-й вечара ў дзень публікацыі відэа.

Што пра сітуацыю думаюць мясцовыя жыхары

У каментарах пад ролікам шматлікія людзі падтрымалі аўтарку роліка. Частка карыстальнікаў пагадзілася з крытыкай у адрас праўладных блогераў. Акрамя гэтага, людзі падзякавалі адзін аднаму за прыборку снегу, палічыўшы народную працу больш эфектыўнай за працу камунальных службаў.

• «Нашыя блогеры па сталоўках ходзяць».
• «Заўтра, калі снег у дварах прыбяруць мясцовыя жыхары, яны будуць вешаць, пра тое, як кіраўніцтва горада прыклала да гэтага руку, і дапамагло ўсім жыхарам Магілёва».
• «Выдатны час — убачыць, што мы не толькі краіна, але і адна вялікая сям’я! Дзякуй усім, хто сёння быў з рыдлёўкай!».
• «Цалкам згодна. Я як грэбалася ў 6 раніцы па гурбах на працу так увечар назад і паўзла па гурбах. ці яны гэтую народную сцежку называюць пачышчанай».
• «Дзе тэхніка? Каля выканкама і дома Саветаў».
• «Ніводнага дворніка сёння не бачыла. Сама прыбірала снег з 7 раніцы па 15 гадзіну, з перапынкамі на пагрэцца і выпіць каву».

Чытайце таксама: Як TikTok дапамог жанчыне адкапаць дарогу ад снегу ў Салігорскім раёне

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро